Alternando'l relatu de les peripecies vitales d'unos y otros n'estilu indirectu, y con diferente tipografía, entecállase una voz en primer persona, la d'un escritor alcoholizáu que reflexiona sobre la so vida, hasta qu'al final de la novela conflúin entrambes narraciones.
Pero enantes de llegar a esi remate, el llector yá se da cuenta de que la novela nun funciona. L'autor nun consigue trazar de manera diferenciada'l perfil psicolóxicu de los sos personaxes, que necesitaben mayor elaboración, y que tal y como se presenten podíen intercambiar vides ensin que lu notáramos. La historia avanza y retrocede acumulando información externa (qué comen, cómo viaxen, qué música escuchen...) pero ensin que se remate la construcción moral de nengún d'ellos, nin tan siquiera del asesín o de la víctima, quedando'l relatu nun llargu catálogu d'actividaes.
La Nueva España, jueves 29 de septiembre de 2011
Artículo completo
CUADERNO DE LECTURAS - Plácido Romero
